2016-ի հուլիսի 15-ին մեկնարկած «Stranger things» սերիալը ավարտվեց 2025 թվականի դեկտեմբերի 31-ին: Այն դարձավ Netflix-ի պատմության ամենադիտված հեռուստասերիալը՝ հավաքելով 1,2 միլիարդից ավելի դիտում։ Սերիալի խորհրդանշական, 80-ականների ոճով ներշնչված լոգոյի հեղինակը հայ դիզայներ Հակոբ Պողոսյանն է ( Jacob Boghosian):
Հակոբը Behance-ի իր էջում կիսվել է ստեղծագործական հետաքրքիր մանրամասներով։ Նա պատմում է, թե ինչպես լոգոյի իր մշակած տարբերակը, որն ընդամենը մի քանի տարբերակներից մեկն էր, ընտրվեց սերիալի հեղինակների կողմից դեռ շատ վաղուց՝ նախքան որևէ մեկը կպատկերացներ, որ սերիալը կդառնա համաշխարհային ֆենոմեն:
