Մալթայում երիտասարդները կկարողանան անվճար հաճախել մարզասրահ

Մալթայում ընդլայնվել են այն ծրագրի տարիքային սահմանները, որի շրջանակում երիտասարդներին տրամադրվում է վեցամսյա անվճար աբոնեմենտ մարզասրահ այցելելու համար։

Այդ մասին հայտարարել է ֆինանսների նախարար Քլայդ Կարուանան՝ ներկայացնելով պետական բյուջեի նախագիծը։

Ծրագիրը ներդրվել էր անցյալ տարի և սկզբնական փուլում վերաբերում էր միայն 2005, 2006 և 2007 թվականներին ծնված երիտասարդներին։ Նախաձեռնությունը իրականացվել էր Bulletproof Culture ֆիթնես համայնքի առաջարկից հետո, որը սպորտի մասսայականացման արշավի շրջանակում հասարակության ուշադրությունը գրավել էր նախկին բոդիբիլդեր Ռոբերտ Աբելայի մարզումային տեսանյութերով։

Թարմացված պայմանների համաձայն՝ անվճար աբոնեմենտից կկարողանան օգտվել 16-ից 21 տարեկան դեռահասներն ու երիտասարդները, այսինքն՝ 2004-ից մինչև 2009 թվականներին ծնված քաղաքացիները՝ ներառյալ։

Մարզասրահների շուկայում վեցամսյա աբոնեմենտի արժեքը սովորաբար տատանվում է 250-ից 450 եվրոյի սահմաններում։ Միաժամանակ բազմաթիվ ֆիթնես ակումբներ ուսանողների համար առաջարկում են լրացուցիչ արտոնություններ և զեղչեր։